Dunggi, akon asuyon,bida sang kaisdaanon, Senyores pamati-i, ining panalambiton: Ang tanan nga mga isda nga nagapuyo sa kadagatan, Pulos may opisyo, pareho sang mga tao.
Dinhi namatay si Umang,teniente mayor ang kagang, Si Kasag ang napreso, inaway sang alimango; Malasugi ang guardiamente sa suba sang San Jose, Didto kag madakpan si Parangan kay naalangan
Butete ang tambolero, marot mga soldado, Bolinao amo ang hepe, ubakan ang ila sarhento, Guno ang konstabularyo, tabagak ila kabo, Bagis ang gobernador, alimosan ang bakunador
Katang ang hari-hari, pawikan ang pari-pari, Si Lapis ang maestro, bagongon ang obispo, Pasayan ang maestra, hipon mga eskwela, Sapsap gid ang pobre, wala pagtambok,niwang pirme
Bulao ang empleyado, dalangdang ang tesorero, Kugtong gid ang mayor, tulisan ang konselor, Yadto si Tulisan, apo si Ba-olo,
Ato si Ba-olo, naglalapad iya ulo.Pugita ang presidente,lukos amo ang bise Sibingan ang senador, balantyong ang diputado, Aloy ang abogado, bantala-an man ang hues, Pakol ang sakristan, pirme guardia sa simbahan.
Tipon mga hipon, sa balay ni Uli-balay, Nagbando si Senior Abo , si Senior Gusao ang manueldo !
Ginakanta ni sir sang 2 ko ka magulang pero napatay na ang isa mga early 80' pero ang isa ko na lang nga magulang ang nagakanta kis-a kon makainom inom na kami haha.
ReplyDelete