What's in a Name?

What's in a Name?
(" A rose is a rose; you may call it by another name,yet it would still smell as sweet.")

Ako si Maria Luisa Tejero Acupan.Bunga ako kang marriage by parental arrangement ni Marina Gonzales Tejero kay Jose Arevalo Acupan kang Mayo 25 , 1943.Natao ako kang Agosto 28,1944. Ang pari nga nagkasal sa akon ginikanan nga si Padre Melecio Robrico amo man ang nagpili kang akon ngaran kag nagbunyag kanakon.Kang mga anum pa lang ako ka bulan,ginpabulag ni Lolo Eliseo Gonzales nga magurang kang akon lola ang akon mga ginikanan.What man has joined together,man can put asunder.Kon gin shotgun wedding ang iba,ang akon tana ginikanan gin shotgun divorce.Gintayaan ni Lolo Seoy si Tatay kang shotgun kag isipan asta sa tatlo kag kon indi manaog sa balay, tirohon na.Ginpaandaman na nga indi gid magtapak sa Tigbauan ay bisan haron na pa lang ang maglitib sa banwa, tirohon na.Gani, napatay lang si Tatay nga wara ko gid makita.Kang manog-anum ron ako ka tuig,gindara ako ni Lola ko kay Lolo Seoy kag ginlisensya nga paeskwelahon ron.Nabatian ko kang maghambal si Lolo Seoy nga andam ako pagpasundon kang apelyedo ni Tatay.Gani, gin-enroll ako nga Maria Luisa Tejero.Tungod sa apelyedo ko nga TEJERO,nakaangkon ako kang sarisari nga titulo.Gintawag ako nga "naglitik sa pusog","pinamataan","unon","wara man-I kon sin-o tatay na","hija de bastarda","remnant of the Japanese war","born of the virgin mother","anak sa pagpakasala","may madulom nga family background",kag kon anuano pa.Ang pagka-Tejero ko daw sobra ka labog nga krus nga ginpaguyod kanakon halin sa Grade I ko asta sa kamatayon ko.Pay may isa ako ka classmate sa high school nga nag sulat kanakon kag gintawag ako nga "poet".Ang isa lang ka tinaga sarang makabaylo kang kasaysayan.Ginpanindugan ko na lang ang pagtawag kanakon nga "poet".Nagpublish ako kang sobra napulo ka poems sa English kag Filipino sa Philippine Journal of Education,The Modern Teacher kagThe Filipino Teacher.Gindara ko ang ngaran nga Maria Luisa Tejero Torrento bilang author.Ang pagdara ko kang Tejero sa tanan ko nga sinulatan kag pirma indi style kundi vindication.