Himno sang mga Retirado nga Manunudlo sa Tigbauan

 Ang amon kabuhi, bulak ang katulad,

Madugay nga panahon nga nagpamukadkad;

Bisan nga marugon ang mga sinipad,

May diutay nga binhi, mabilin nga halad.

Binhi sang paglaum ang amon nga handum,

Nga buot ipanggas sa pihak sang kadulom; 

Agud henerasyon nga bulos sa amon,

Padayon itib-ong mga damgo namon.

Bisan ang pagtunod nagahilapit na,

Serbisyo sa banwa ginatinguha pa;

Amon panindugan, matarong dampigan ,

Modelong sulundan sang mga kabataan.

Amon ginadamgo, magmadinalag-on, 

Iwagan ang tao nga mangin mapuslanon;

Agud pagtaliwan sa dutang luha-an,

Mga binuhatan, tumbas ang bulawan. 

(tune: Cierta Flor Silvestre | Bulak nga Ilahas )