Ang mga babae gintuga kang Ginoo nga may duna nga "mother instinct". Kon indi man sanda makapamata, ginataw-an nanda it katumanan ang anda pagkananay sa nanuhaytuhay nga paagi. Sa kadya nga konsepto ginbun-ag kang Catholic Women's League ang kahiwatan kang Boy Sto. Niño sa Tigbauan kang tuig1973, kag ginbatiti asta nga nangin tradisyon sa sulod kang kalim-an ron ka tuig kar-on. Saludo ako sa CWL nga amo ang nangin nanay kang Boy Sto. Niño Celebration.
Kang pamangkuton ni Susan Roces si Fernando Poe nga "Bakit parang sobra pa yata ang debosyon mo kay Mama Mary kesa kay Jesus Christ?" Sinabat tana ni Fernando Poe nga: "Bakit, kung wala ang Mama Mary, meron kang Jesus Christ?" Sa amo dya nga punto, kon wara man ang CWL, wara man it Boy Sto. Niño Celebration. Gani salamat sa CWL,nga amo ang nanay kadya nga selebrasyon kay ginatuladan nanda ang pagkakamarahalon ni Birhen Maria bilang nanay sa kabuhi ni Hesukristo. Salamat man sa mga ginikanan kang mga Boy Sto. Niño kag sa tanan nga mga nagasuporta sa aton nga selebrasyon bilang pagpadungog sa aton Mahal nga Señor Santo Niño kag nagapainit sa debosyon kang mga tao sa Ginoo..Viva Senyor Sto. Nino! Panginbulahan, Boy Sto. Nino kag CWL!
No comments:
Post a Comment