Tapulanga (Hibiscus_National Flower of Hawaii)

Nagaugdo ka sa asud sang init kag ulan,

Nga sa  masiri mo nga  bukad nagaambahan;

Mapula kag hamili sa akon panan-awan,

Makabibihag, bisan sing kaamyon gindid-an.

Nagapamuskad ka man sa malip-ot nga tion,

Sinipad mo, sa duta dayon nagakarugon;

Banaag sang imo duag sa isip gihapon,

Tubtub sa pagdulom , kag sang katuyo duawon.

Kag sa pagsubang sang adlaw,,liwat ka mabanhaw,

May pagkarabak nga nagasubol sang kamingaw;

Sa akon pagdapulay,nagayuhum ikaw,

Ginaladlad ang saya nga daw nagahugyaw.

(This is the Ilonggo version of the poem,Gumamela)