Ang kuon kang mga mal-am,ang tao nga nabun-ag sa Agusto, naga "pagusto"..(basi "spoiled brat" sa English.) Tuod gid man, ay si Elizabeth nga Tita Betty kon tawgon kang ana mga kabaro sa Girl Scout Movement , wara pa gani makapamata, nagpagusto ron kang inakop kang ginatos ka mga kabataan kang iban nga mga nanay, sa sulod kang ana klase kag sa ana berde nga tropa.
Si Tita Betty, daw inang nga munga nga pirme may nagarunotrunot nga sangka burutwan nga mga piso. Sa Camping, sa Jamboree, sa BSP_GSP Encampment, Trainings kag Conventions, si Tita Betty, sa tunga kang mga nakaberde nga panong indi gid madura. Si Tita Bets, sangka babaeng buhat nga may very strong nga mother instinct. Ang ana "pusong ina"ang nagatulod kana nga batition ang mga bata nga babae agud mangin pantok sa mga ihibalo kag mga pagpasulabi nga amo ang kasangkapan agud mangin bilidhon nga katapo kang anda pamilya , komunidad, kag nasyon.
Ang wara nagakahubas nga enerhiya kag inspirasyon ni Tita Bets sa pag-ubay sa mga "girls in green",kag ang ana malig-on nga pagtib-ong sa adbokasiya ni Josefa Llanes Escoda amo ang bugay nga kapinasahi kana nga ginadayaw ko gid kag ginakaimahan . Bisan wara ron tana sa serbisyo, ang ana kontribusyon sa pagporma sa mga kabataan, bilang isa ka makugi nga maestra kag dedicated nga Girl Scout Leader, indi gid malipatan kag mabalewara, kag labi nga gina pasalamatan kang tanan nga ana nasumalang sa dalanon kang kabuhi..
Gani sa ana ika-80 nga kaadlawan ka dya nga Agusto 16,2022, I pay tribute to this Great Tita nga Tita kang tanan!Happy birthday!!!
No comments:
Post a Comment