Iloilo,minamahal naming hiyas,
Magandang mutya ng Kanlurang Bisayas,
Sa limot na kahapon ng Pilipinas,
Nakaukit ang makulay mong lumipas.
Ikaw lamang ang tinatanging tahanan,
Ng mga taong hangad ay kalayaan;
Ipinagtanggol nang buong kagitingan
At pinagyaman sa puso at isipan.
Iloilo, marilag na lalawigan,
Kasuyo ng alon sa dalampasigan;
Kapatagan mo'y ng langit minamasdan,
Hinahalikan ng araw sa paglisan.
Kahit na dalhin pa man ng kapalaran
Sa pinakamalayong guhit-tagpuan
Ang kandungan mo ang aming babalikan
At ialay ang tagumpay at karangalan.
No comments:
Post a Comment