Uso ron ang Bastos

      Nagsuhol sanda it dyes mil sa darwa ka agi nga komedyante nga indi man karadlawan. Wara ako question kon agi sanda ay love ko ang mga agi kag love man nanda ako halin pa kang una nga wara pa magtuhaw ang LGBT rights. Ang gina -question ko amo ang anda mga aksyon kag harambalanon. Darwa ka oras nga ginpurga nanda ang tumalan-aw kang anda bastos,bulgar cheap,no taste kag corny jokes. May haplason nanda ang anda iruk kag simhutan dayon magpliponglipong ,may kumkumon nanda ang anda atubangan,  may mahambal nga kon  ang itlog bulbulon, anda. Nagautuy-utoy man kang kadlaw ang iban nga indi ko maintyendihan kon ano ang manabaw kananda, ang anda kalipayan,ang anda ihibalo , ukon ang anda I.Q. Kanugon kang anda ginsuhol. Daan ginpabahaw ron lang to sa mga deboto ni Sr. Sto.Nino nga nagsirimba, ay hambal ni lola ang mga nagapamyesta indi bisita kang mga tao kundi ana bisita kang Patron.

      Gintudluan ako kang lola ko nga indi gid magsabat sa mal-am, pay ginataw-an ko kamo it kahilwayan nga magsabat. Kaliti kag hingagawa ninyo sa pag-enjoy kang inyo freedom of speech and press samtang wara pa mailisan kang diktatoryal ang sistema kang aton pagdumarahan.