Nalisang ako sa akon nabatian nga panganta kang pungsodnon nga ambahanon. Ginlain ang tono, nagriliw-as ang nota. Ginpalay-od ang tempo, gani nagsubo pa sa lubong ni Usting. Mango ako sa music, pay indi man talinga kang balde ang talinga ko Makadistinger man ako kang husto kag indi nga panganta .Man-an ko nga may darwa ka paagi kang pagkanta kang himno: ang prayerful kag ang march. Ang selebrasyon nanda isa ka festival kundi daan may festive mood. Naga prayerful ang panganta nanda ay wara sanda sa simbahan nga naga-commemorate kang isa ka baganihan paagi sa requiem? Gin-compose ni Julian Felipe ang national anthem nga gintig-ulohan na nga " La Marcha Nacional Filipina", nga may tempo nga alegro, to perk up the nationalistic enthusiasm kang mga Pilipino. Ang nagsulat kang ana lyrics nga si Jose Palma, isa ka soldado, gani ang meter kang ana poem ginsanto na sa pangmartsa nga tempo. Kang gin-contest ang tanan nga national anthems kang mga kapungsuran sa kalibutan, nagpang-apat nga lugar sa panaminami ang aton himno. Kon ang panganta nanda ang gin-entra, basi ginbagtingan sanda kang hurado. Gali ay genius sanda sa music,pagusto lang sanda ka rematse kag retoke kang obra kang iba? Ginbaboy nanda ang obra ni Julian Felipe ay suno sa mythical belief kang mga Insik nagpinarumba ang mga kasapatan sa Zodiac kag sa anda pagpasunod tuig kang baboy tulad. Ginastos man nanda si Julian Felipe nga nagapakalinong ron sa pihak nga kinabuhi ay bastos ang presidente nga idol nanda.
No comments:
Post a Comment